前中區政府合署西座 Former Central Government Offices, West Wing

0

1959
一級歷史建築
中環政府山雪廠街 11 號
不對外開放

/
政府山現代主義風格建築群之一



自 1940 年代起,喺香港島上嘅港督府、中區政府合署,同聖約翰座堂一帶,漸漸被稱為「政府山」,係當時香港政治同權力嘅象徵。而「中區政府合署」就由三座辦公樓,中座,東座,西座組成。

東座係政府高級官員的辦公室;中座係政府核心官員的辦公室,亦曾經係立法局同行政局嘅會議廳。中座前院係舉行政治同公眾活動嘅熱門地方。西座就有食堂同服務市民嘅各部門辦事處。三座大樓都係屬於低矮嘅建築物,表現出 20 世紀初至中期盛行嘅實用主義建築風格特色。

政府山保育爭議事件
當特區政府總部遷去添馬艦之後,2010 年特區政府建議拆卸西座,重建成 32 層嘅商業大樓同購物中心。其後因市民反對,3 次修訂計劃。古物諮詢委員會亦先作出二級歷史建築評級,後來又再次評級,將西座評做一級歷史建築。最後,特區政府決定保留西座,作為律政中心所用。

本身有份參與興建中區政府合署嘅,前英屬香港工務司署工務司,鄔勵德(Michael Wright, 1912-2018)。喺訪問當中,反駁特區政府提出西座同東座以及中座無關聯嘅說法。又批評特區政府捨棄自然得體嘅西座,取而代之興建「醜陋」的32層商業大廈,再配以細小的公園用地,係「不合邏輯」嘅設計。

資料參考-
古物諮詢委員會
香港歷史文物- 保育‧活化
Wikipedia

LEAVE A REPLY

Please enter your comment!
Please enter your name here

twenty − eight =