二級歷史建築
1927
橫洲東頭圍
/
橫洲入面嘅英式大宅
娛苑由喺元朗橫洲定居嘅蔡氏鄉紳領袖 – 蔡寶田先生（1872 – 1944）所起。之所以會起娛苑，係因為蔡寶田先生希望，喺佢出生嘅地方起一個夏日別墅，方便佢住喺港島嘅屋企人享受嗰度盛產嘅荔枝。直至 1990 年，娛苑一直都係蔡氏家族嘅大宅。
娛苑而家已經荒廢咗好耐。喺 2007 年俾古物古蹟辦事處列為一級歷史建築，但喺 2010 年降做二級歷史建築。
大宅對稱嘅設計無疑係屬於古典復興風格。正立面有愛德華時代流行嘅古典紅磚外牆，髹上白色嘅柱身，欄杆同窗。喺入口門廊上方有一個突出嘅弧形山牆，山牆上再有一個圓頂。
資料參考
古物古蹟辦事處
